Tag: Yazdani Jalandhary

سوچ میں گُم ہوں کہ جب نعتِ پئمبر لکھوںنور لکھوں کہ انہیں نور کا پیکر لکھوں آج کل شام و سحر میرا وظیفہ ہے یہیلکھ کے میں حمدِ خدا، مدحتِ سرور لکھوں اِس سے بڑھ کر بھی ہے پیرایۂ توصیف بھلا!کیوں نہ ہر صفحے پہ میں سورۂ کوثر لکھوں دامنِ رحمتِ عالم ہے دوعالم کو محیطسائبانِ کرم و شافعِ محشر لکھوں پرتوِ مہرِ حرا سے جو ضیا گیر ہوئےاُن رفیقانِ بنی کو مہ و اختر لکھوں میں کہ ہوں ان کے غلاموں کے غلاموں کا غلامخود کو کیونکر نہ حریفِ…

صحن‌ چمن میں ہر سو پتھر پھول تو پھول ہے خوشبو پتھر آج اک ایک کرن پتھرائی سورج، تارے، جگنو ،پتھر پتھرائے پتھرائے چہرے آنکھیں پتھر آنسو پتھر میری جانب ہر جانب سے آئے ہیں بے قابو پتھر راہ ِوفا پر چلنا مشکل ہر سو کانٹے ہر سو پتھر اہل جفا سے ہاتھ ملاتے ہو گئے میرے بازو پتھر اس ماحول میں گر جینا ہے یزدانیؔ ہو جا تو پتھر

جھوٹ کی مہما ۔۔۔۔۔۔۔ سچ اک زہر ہے، زہرِ ہلاہل دیکھو، زہر نہ کھاؤ سچ کے پاس نہ جاؤ جھوٹ بَلی ہے، مہا بَلی ہے جھوٹ کی مہما گاؤ ابراہیم نے سچ بولا تھا جس کا صلہ تھا جلتا ہوا الاؤ سچ سقراط نے بھی بولا تھا اور جامِ زہراب پِیا سچ منصور کے لب پر آکرسرافرازِ دار ہوا عرصۂ کرب و بلا میں حق تھا تشنہ دہن، مظلوم، برستے تیروں کی بارش میں تنہا دارو رسن سے کھیلنا چاہو تو حق کو اپناؤ ہنس کر پی لو زہرِ ہلاہل…