بیت بازی – صفحہ 216

شہزاد احمد

گزرنے ہی نہ دی وہ رات مَیں نے گھڑی پر رکھ دیا تھا ہات میں نے

ہر شام ہوئی صبح کو اک خوابِ فراموش دنیا یہی دنیا ہے تو کیا یاد رہے گی

ہر بار، وہ جب آتا ہے، کھل جاتی ہے کیوں آنکھ یہ خواب کبھی پوری خبر کیوں نہیں دیتے

عمر گردِ کارواں ہونے کو ہے ہر مسافت رایگاں ہونے کو ہے

سمٹا ہی تھا کہ موجِ ہوا پھر پلٹ پڑی تقسیم کر گئی ہے مجھے پھر یہاں وہاں

سیر کرنے سے، ہَوا لینے سے کام ہے دل کو مزہ لینے سے

لفظ مفہوم سے آزاد ہوئے آج ہر بول نیا لگتا ہے

سوچنا بھی محال ہے جس کا نقش وہ بھی مشاہدے میں ہے

مے خانے کی راہ تو پوچھو ساتھ چلیں گے شام ہوئی تو

روز اِک تیر مِرے دل میں کہیں لگتا ہے سانس لینا مجھے آسان نہیں لگتا ہے