Category: بیت بازی

مدتوں بعد کوئی چاپ سنائی دی ہے میرا سایہ ہے، مجھے ڈھونڈنے آیا ہو گا

ڈُھونڈیں کہاں سحر کو تمھیں، اے غزالِ شب! اب نام بھی تو یاد تمھارا نہیں ہمیں

ہمارا عشق، ظفر! رہ گیا دھرے کا دھرا کرایہ دار اچانک مکان چھوڑ گئے

زاویے کیا کیا بکھر کر چشمِ تر میں رہ گئے دیکھنے والے مگن‘ کارِ ہنر میں رہ گئے

گِھرا تھا اَبر تو گرمی شدید کتنی تھی پڑا نہ ایک بھی چھینٹا، اُمید کتنی تھی

یار ہی تیز نظر تھے شاید ہم تری بات کہاں کہتے تھے

وقت کرتا ہے پرورش برسوں حادثہ ایک دم نہیں ہوتا

وہی جھکی ہوئی بیلیں، وہی دریچہ تھا مگر وہ پھول سا چہرہ نظر نہ آتا تھا

کنارِ نہر، بنفشے کی جھاڑیوں کے قریب وہ سوگوار کھڑی تھی اک اجنبی کے لیے