بانی ۔۔۔۔۔ گِرد میرے نہ فصیلیں ترے کام آئیں گی

گِرد میرے نہ فصیلیں ترے کام آئیں گی
کچھ ہوائیں تو مری سمت مدام آئیں گی
یہ مسافت کہ چلی جائے گی رستہ رستہ
منزلیں یوں تو نئی گام بہ گام آئیں گی
کچھ تو دل آپ ہی بجھتا سا چلا جاتا ہے
اورکیا کیا نہ ہوائیں سرِ شام آئیں گی
اِس اندھیرے میں نہ اک گام بھی رکنا یارو
اب تو اک دوسرے کی آہٹیں کام آئیں گی
بین کرتی ہوئی سمتوں سے نہ ڈرنا بانی
اتنی آوازیں تو اس راہ میں عام آئیں گی

Related posts

Leave a Comment