میں اسٹیشن پہ پہنچا تھا
اُسے رخصت جو کرنا تھا
کبھی ہر وقت
یوں ہی بات کرتی، مسکراتی، شوخیاں کرتی
عجب لڑکی
خدا جانے وہ کیوں خاموش تھی اتنی
وہ سپنوں سے بھری آنکھیں
بڑی بے چین تھیں اس دن
گلابی لب لرزتے تھے
اگرچہ کپکپاتے تھے
مگر خاموش رہتے تھے
مرے دل میں خیال آیا
کہ میں کہہ دوں
سنو، جاناں!
یہ اسٹیشن نہ یوں تم چھوڑ کر جائو
یقیں مانو کہ اب ہر پل
مجھے تم یاد آئو گی
مگر جب کہہ نہیں پایا
تو الجھن بڑھ گئی دل کی
بہت مجبور تھا میں بھی
کہ اُس سے پوچھ ہی بیٹھا
یہ اتنی خامشی کیوں ہے؟
اگر ممکن ہو تو کہہ دو
کوئی تو بات ہے ایسی
جو تم کو مجھ سے کہنی ہے
تو وہ چونکی
مجھے دیکھا
پھر اپنی مرمریں سی انگلیاں آپس میں الجھا کر
ذرا سا سوچ کر بولی
’’خدا حافظ‘‘
Related posts
-
اکرم سحر فارانی ۔۔۔ چھ ستمبر
ظُلمت کے جزیرے سے اَندھیروں کے رسالے آئے تھے دبے پاؤں اِرادوں کو سنبھالے دُشمن کے... -
حامد یزدانی ۔۔۔ سوالیہ اندیشے
سوالیہ اندیشے ۔۔۔۔۔۔۔۔۔۔۔ اس خزاں کی نئی اداسی کا رنگ کتنے برس پرانا ہے؟ زندگی مسکرا... -
خاور اعجاز ۔۔۔ امکان (نثری نظم) ۔۔۔ ماہنامہ بیاض اکتوبر ۲۰۲۳)
امکان ۔۔۔۔۔۔۔۔۔ رات کو پیدا ہونے والی تاریکی روشنی کا مطالبہ کرتے ہُوئے گھبرا جاتی ہے...