جذبات کا دریا ہے
وصل کے موسم میں __ ہمدم نے پکارا ہے
………………
برسات کے میلے میں
مل کر ہم دونوں __ بھیگیں کے اکیلے میں
………………
جینا بھی دُوبھر ہو
خدشہ رہتا ہے __ دوری نہ مقدّر ہو
………………
حالات کی گھاتیں ہیں
کچھ بھی تو بس میں نہیں __ تقدیر کی باتیں ہیں
………………
ایذائیں سہتے ہیں
اُن کے تغافل پر __ہم کُڑھتے رہتے ہیں
………………
کچھ کھاتے کھولے ہیں
صبر ہی کرتے رہے __تنگ آکر بولے ہیں
………………
وحشت کا عالم ہے
اخراجات بہت__ تنخواہ بہت کم ہے
………………
گمراہ زمانہ ہے
حُسن کے حربوں سے __ ایمان بچانا ہے
ممتاز راشد لاہوری ۔۔۔ اردو ماہیے
