Tag: Majid Siddiqui

اُس نے جو ہشیار تھا ، دیکھا چھین لیا ہاتھ میں بچّے کے تھا کھلونا چھین لیا سادہ لوح نے جو کچھ سینت کے رکھا تھا مکر نے اپنا ہاتھ دکھایا چھین لیا باپ سا دست نگر اُس کو بھی بنانے کو بنیے نے طفلک سے بستہ چھین لیا یہ بھی ہُنر ہے جو حاصل ہے جابر کو شاہیں نے چڑیا سے جینا چھین لیا عزّت داروں سے ماجدِ زور آور نے جتنا زعم اُنہیں تھا سارا چھین لیا

اِک زمانے سے بہ وجہِ قحطِ زر، ناراض ہیں مجھ سے میرے گھر تلک کے بام و در ناراض ہیں سر کشیدہ ہیں ہوائیں اور کبوتر بدگماں چاہنے والوں سے سارے نامہ بر،ناراض ہیں باغ میں جب سے سیاست بادِ صرصر کی چلی ٹہنیوں سے پیڑ، پیڑوں سے ثمر ناراض ہیں مسخ کر ڈالے حقائق کور چشموں نے سبھی کر ہی کیا لیں گے اگر اہلِ نظر ناراض ہیں رونے دھونے سے فقط رہبر سے اب پائیں گے کیا کھو کے ماجد ہم اگر سمتِ سفر ناراض ہیں

اظہار کو تھا جس کی رعُونت پہ گماں اور دے دی ہے اُسی حبس نے پیڑوں کو زباں اور کہتی ہیں تجھے تشنہ شگوفوں کی زبانیں اے ابر کرم ! کھینچ نہ تو اپنی کماں اور ہر نقشِ قدم، رِستے لہو کا ہے مرّقع اِس خاک پہ ہیں، اہلِ مسافت کے نشاں اور نکلے ہیں لئے ہاتھ میں ہم، خَیر کا کاسہ اُٹھنے کو ہے پھر شہر میں، غوغائے سگاں اور صیّاد سے بچنے پہ بھی ، شب خون کا ڈر ہے اب فاختہ رکھتی ہے یہاں ، خدشۂ جاں…