عابد عمر

یوں تری راہ میں پڑے ہوئے ہیں جیسے درگاہ میں پڑے ہوئے ہیں

آغا اکبر آبادی

مسافروں کی تواضع سے نام ہوتا ہے کرم کرو کہ غریب الدیار ہم بھی ہیں

یہی نہیں کہ فقط پیار کرنے آئے ہیں ہم ایک عمر کا تاوان بھرنے آئے ہیں

خشک نہروں سے صدائے تشنگی آتی رہی اور سمندر موجِ بے آواز سے سرشار تھا

نہ رکنا راہ میں شرطِ سفر میں شامل تھا تھکن سے ورنہ بہت چور چور میں بھی تھا

آنکھوں میں لال ڈورے سے پڑتے چلے گئے آنسو یہ کس ہنر سے پروتا رہا غزل

میں بھی ہوں بزم میں، رقیب بھی ہے آخری فیصلہ تو اب ہو گا

آج کیا سوجھ رہی ہے ترے دیوانوں کو دھجیاں ڈھونڈتے پھرتے ہیں گریبانوں کی

پھر وہی مہرباں ہوا آئی اے مری بے چراغ تنہائی!

کوئی دیمک سی رگوں میں ہے رواں سرخ و سفید کیا کہوں، کتنی اذیت سے لہو بنتا ہے