خالد علیم ۔۔۔ رباعیات

رباعیات

۔۔۔۔۔۔۔۔۔۔۔۔۔
دنیا کہ سمٹتی ہی چلی جاتی ہے
رشتوں کی تڑپ کس کو تڑپاتی ہے
صدیوں کی خامشی ہے اپنوں کو محیط
موجود میں محشر کی صدا آتی ہے

۔۔۔۔۔۔۔۔۔۔۔۔

اتنی بھی نہ کر حکایتِ شوق دراز
تارِ رگِ جاں سے جل اُٹھے نغمۂ ساز
آنسو ٹپکیں تو جسم و جاں جلنے لگیں
سانسیں ٹوٹیں تو ٹوٹ جائے آواز

۔۔۔۔۔۔۔۔۔۔۔۔۔۔۔۔۔۔۔۔۔۔

دھوکا ہے، سراب ہے؟ سزا ہے؟ کیا ہے؟
آئینہ ہے سامنے، خفا ہے؟ کیا ہے؟
خود پر ہی بار بار پڑتی ہے نظر
میں ہوں؟ تُو ہے؟ کوئی یا ہے؟ کیا ہے؟

۔۔۔۔۔۔۔۔۔۔۔۔۔۔۔۔۔۔۔۔۔

Related posts

Leave a Comment