2019 دسمبر – صفحہ 10

خورشید رضوی

دو حرف تسلی کے جس نے بھی کہے، اُس کو افسانہ سنا ڈالا، تصویر دکھا ڈالی

بدلے میں دفینے کے قطرے ہیں پسینے کے کیوں دل کی گواہی پر دیوار گرا ڈالی

کانٹوں سے بھرے بن میں رستے کی بنا ڈالی دے دے کے لہو، طرحِ نقشِ کفِ پا ڈالی

اَن ہونی کی چِنتا، ہونی کا انیائے نظر دونوں بیری ہیں جیون کے ہم سمجھائیں تمھیں

پاس ہمارے آ کر تم بے گانہ سے کیوں ہو؟ چاہو تو ہم پھر کچھ دُوری پر چھوڑ آئیں تمھیں

دور گگن پر ہنسنے والے نرمل کومل چاند! بے کل من کہتا ہے، آؤ، ہاتھ لگائیں تمھیں

اُڑتے پنچھی، ڈھلتے سائے، جاتے پَل اور ہم بیرن شام کا تھام کے دامن روز بلائیں تمھیں

رنگ برنگے ہاتھ تمھارے ہجر میں ہاتھ آئے پھر بھی یہ کیسے چاہیں کہ ساری عمر نہ پائیں تمھیں

جن باتوں نے پیار تمھارا نفرت میں بدلا ڈر لگتا ہے وہ باتیں بھی بھول نہ جائیں تمھیں

درد ہماری محرومی کا، تم تَب جانو گے جب کھانے آئے گی چُپ کی سائیں سائیں تمھیں