2019 دسمبر – صفحہ 9

کاشف حسین غائر

اچھا ہے کہ دیوار کے سائے سے رہیں دور پڑ جائے نہ دیوار پہ افتاد ہماری

کچھ ہیں بھی اگر ہم تو گرفتار ہیں اپنے زنجیر نظر آتی ہے آزاد ہماری

ہر شام دلاتی ہے اُسے یاد ہماری اتنی تو ہَوا کرتی ہے امداد ہماری

ایسے کھلتا تھا کہاں رنگِ جہاں تیری تصویر بنانے سے کھلا

کس کو معلوم ہے یہ بے خبری کس خبر سے فرار ہے اپنا

میری بستی میں جو سیلاب کا ریلہ آیا بہہ گیا سایہ مرے صحن کی دیوار سمیت

دیکھنے والے کی جاگیر بھی ہو سکتے ہیں خواب شرمندۂ تعبیر بھی ہو سکتے ہیں

میری سوچوں کی سبز بارش میں بھیگنے کو نکل گئے جگنو

عمرِ رفتہ کی رہگزاروں پر ایک تیرا نشان باقی ہے

دُنیا رہی خوابیدہ، خورشیدؔ نے شب بھر میں پچھم سے شفق لا کر پورب میں بچھا ڈالی