بیت بازی – صفحہ 166

باقی احمد پوری

غم بڑھ گیا تو دل کا نگر چھوڑ جائے گا آسیب اپنےآپ یہ گھر چھوڑ جائے گا

میں زندہ تھا اداکاری کے دم سے اداکاری بھی معیاری نہیں تھی

دور تک چراغوں کی اک قطار رکھی تھی میں نے اپنے حصے کی روشنی اٹھا لی ہے

بیٹھے بیٹھے میں بہت دور نکل جاتا ہوں در و دیوار کو دن بھر نہیں دیکھا جاتا

کیا ہوا ہم کو اگر دو چار موجیں چھو گئیں ہم نے بدلا ہے نہ جانے کتنے طوفانوں کا رخ

الہی ایک بار اُس لب پہ میرا نام آجائے پھر اُس کے بعد چاہے موت کا پیغام آ جائے

ہم اہلِ محبت کی تو دنیا ہی جدا ہے شام اور سحر اور فلک اور زمیں اور

تخلیقِ کائنات کا باعث ضرور تھا سمجھا اگر نہ میں تو یہ میرا قصور تھا

مانا کہ ہر قدم پہ اجل سے ہے سابقہ لیکن چراغِ زیست جلائے ہوئے تو ہیں

شکوہ نہیں زیبا آپس میں اس ترکِ تعلق کا باعث کچھ تم بھی ہو کچھ ہم بھی ہیں تصویر کے دونوں رخ دیکھو