بیت بازی – صفحہ 210

انور شعور

ہماری سرگزشت میں ہزار واقعات ہیں مگر جو دیکھتے رہے وہ خواب ایک بھی نہیں

مباحثوں کا ماحصل فقط خلش، فقط خلل سوال ہی سوال ہیں، جواب ایک بھی نہیں

چمن میں آپ کی طرح گلاب ایک بھی نہیں حضور ایک بھی نہیں، جناب ایک بھی نہیں

عشق، تہذیب میں زنجیر ہوا کوئی شدت، کوئی حدت نہ رہی

جب سے آنکھوں میں کھٹکنے لگی ریت میرے صحراؤں میں وُسعت نہ رہی

جو چہرہ سامنے آیا، وہ سامنے ہی رہا زوالِ عمر کے دن کتنے خوبصورت ہیں

میں جب بھی آئنۂ زندگی میں جھانکتا ہوں جو آدمی نظر آتے ہیں، نقشِ حیرت ہیں

میں وہ محرومِ زمانہ کہ کبھی سوچتا ہوں سانس لینے کی سہولت بھی نہ ہو تو کیا ہو

شکر کر حجرۂ تنہائی میں بیٹھے ہوئے شخص خود سے ملنے کی یہ مہلت بھی نہ ہو تو کیا ہو

ہم کہ اس ہجر کے صحرا میں پڑے ہیں کب سے خیمۂ خوابِ رفاقت بھی نہ ہو تو کیا ہو