بیت بازی – صفحہ 211

سجاد بلوچ

یہ سرابوں کی شرارت بھی نہ ہو تو کیا ہو آنکھ میں حیرت و وَحشت بھی نہ ہو تو کیا ہو

افق پہ چاند محرم کا پھر طلوع ہوا اور اک لکیر پڑی دل کے آبگینے میں

اسی سبب تو حرارت ہے کوئی جینے میں وہ ایک دشت بسایا ہوا ہے سینے میں

جل جانے سے ڈرتے ہو تم نے جل کر دیکھا بھی

میرے گھر کی بات الگ صحرا بھی ہے دریا بھی

میرا خواب نہیں ٹوٹا ہر دستک پر جاگا بھی

شور بھی ہے سناٹا بھی دل جیسی ہے دنیا بھی

بہتی ہوئی ہر چیز نظر آتی ہے لیکن آتے ہوئے سیلاب دکھائی نہیں دیتے

میری طرح بے تاب دکھائی نہیں دیتے یاروں کو مرے خواب دکھائی نہیں دیتے

دوستی ہو کہ دشمنی ہم سے گاہے گاہے مِلا کرے کوئی