بیت بازی – صفحہ 212

لیاقت علی عاصم

وصل کے خواب دیکھ لیتا ہوں ہجر میں اور کیا کرے کوئی

کوئی اپنے سوا نہیں موجود اور ہے تو ہُوا کرے کوئی

کچھ تو کم ہو یہ شورشِ دریا ڈوب جائے خدا کرے کوئی

دار کا سامنا کیا سب نے یار کا سامنے کرے کوئی

چاند پر جائے یا ستارے پر آدمی کا بھلا کرے کوئی

چراغ بھی دسترس سے باہر ہے اور ہوا بھی عجیب ہوتا ہے نارسائی کا سلسلہ بھی

اچھا ہے کہ دیوار کے سائے سے رہیں دور پڑ جائے نہ دیوار پہ افتاد ہماری

کچھ ہیں بھی اگر ہم تو گرفتار ہیں اپنے زنجیر نظر آتی ہے آزاد ہماری

ہر شام دلاتی ہے اُسے یاد ہماری اتنی تو ہَوا کرتی ہے امداد ہماری

ایسے کھلتا تھا کہاں رنگِ جہاں تیری تصویر بنانے سے کھلا