بیت بازی – صفحہ 209

خالد احمد

دیکھتا کون ایک پل رُک کر رقصِ یارانِ بے سر و دستار

اِک نم آہنگ حزنیہ لَے پر کیسے تھم تھم کے چل رہے تھے یار

ہر سخن تھا ہم اہلِ غم کے لیے دل شکن، دل خراش، دل آزار

جتنی بار اُس طرف نگاہ اُٹھی روح تک ہم لرز گئے ہر بار

راکھ کب تک کریدتے دل کی ڈال کر سر پہ ہو گئے تیار

جرسِ گُل سنائی دی نہ ہمیں کر گیا کوچ کاروانِ بہار

کس لیے ارد گرد کھینچ لیے دائرہ دائرہ دَر و دیوار

ربِّ گل! ربِّ رنگ! ربِّ بہار! ایک نقش اور، ربِّ نقش و نگار!

اِدھر کسی سے کچھ لیا، اُدھر کسی کو دے دیا چنانچہ واجب الادا حساب ایک بھی نہیں

ضیافتوں میں آج کل رواجِ سرخوشی کہاں کچھ اور پی رہے ہیں سب شراب ایک بھی نہیں