بیت بازی – صفحہ 208

علامہ طالب جوہری

میرا آنسو تیری آنکھ سے ٹپکا ہے جوگی رستہ بھول گیا تھا ڈیرے کا

چلو، رسمِ وفا ہم بھی اُٹھا دیں کوئی دن شہر میں چرچا رہے گا

لذت شبِ وصال کی مت پوچھ صبح کوں رہتا نہیں فجر کو مجھے شب کا خواب یاد

تو نہیں مانتا مٹی کا دھواں ہو جانا تو ابھی رقص کروں ، ہو کے دکھائوں تجھ کو؟

رات ، زلفوں میں ڈوب جاتی ہے دن نکلتا ہے اس کی آنکھوں میں

میں کنارے سے دیکھ سکتا ہوں کوئی دریا ہے اس کی آنکھوں میں

تختِ مرمر پہ کل تھے آسودہ مرمر آسودگان، زیرِ مزار

اک مذلّت نشیں تھے ہم ہی یہاں کوئی خاقان تھا، کوئی قاچار

کچھ چھپایا نہ ہم نے دُنیا سے عشق ہم نے کیا بھرے بازار

کون گنتا جوان لاشوں کو کون رکھتا دِلاوروں کا شمار