خورشید رضوی

حادثہ یہ ہے کہ ساری ذلّتوں کے باوجود رفتہ رفتہ زخم سوئے اندمال آ جائے گا

جانے کس دن ہاتھ سے رکھ دوں گا دنیا کی زمام جانے کس دن ترکِ دنیا کا خیال آ جائے گا

دوستو! میری طبیعت کا بھروسہ کچھ نہیں ہنستے ہنستے آنکھ میں رنگِ ملال آ جائے گا

ریت پر صورت گری کرتی ہے کیا بادِ جنوب کوئی دم میں موجۂ بادِ شمال آ جائے گا

یا شکن آلود ہو جائے گی منظر کی جبیں یا ہماری آنکھ کے شیشے میں بال آ جائے گا

گو نظر اکثر وہ حسنِ لازوال آ جائے گا راہ میں لیکن سرابِ ماہ و سال آ جائے گا

ہوا کا رُخ تو اُسی بام و در کی جانب ہے پہنچ رہی ہے وہاں تک مری صدا کہ نہیں

دُنیا رہی خوابیدہ، خورشیدؔ نے شب بھر میں پچھم سے شفق لا کر پورب میں بچھا ڈالی

دو حرف تسلی کے جس نے بھی کہے، اُس کو افسانہ سنا ڈالا، تصویر دکھا ڈالی

بدلے میں دفینے کے قطرے ہیں پسینے کے کیوں دل کی گواہی پر دیوار گرا ڈالی