Urdu Shayari – صفحہ 5

شہزاد احمد

اپنے ہی عکس کو پانی میں کہاں تک دیکھوں ہجر کی شام ہے کوئی تو لب جو آئے

تمہاری آرزو میں میں نے اپنی آرزو کی تھی خود اپنی جستجو کا آپ حاصل ہو گیا ہوں میں

نہ ملے وہ تو تلاش اس کی بھی رہتی ہے مجھے ہاتھ آنے پہ جسے چھوڑ دیا جاتا ہے

مجھے بس اتنی شکایت ہے مرنے والوں سے وہ بے نیاز ہیں کیوں یاد کرنے والوں سے

ٹھہر گئی ہے طبیعت اسے روانی دے زمین پیاس سے مرنے لگی ہے پانی دے

آج تک اس کی محبت کا نشہ طاری ہے پھول باقی نہیں خوشبو کا سفر جاری ہے

شوق سفر بے سبب اور سفر بے طلب اس کی طرف چل دیے جس نے پکارا نہ تھا

چھپ چھپ کے کہاں تک ترے دیدار ملیں گے اے پردہ نشیں اب سرِ بازار ملیں گے

شام ہونے کو ہے جلنے کو ہے شمع محفل سانس لینے کی بھی فرصت نہیں پروانے کو

تو کچھ بھی ہو کب تک تجھے ہم یاد کریں گے تا حشر تو یہ دل بھی دھڑکتا نہ رہے گا