اکتوبر 2, 2026 – صفحہ 2

عدیم ہاشمی

شامل تھا یہ ستم بھی کسی کے نصاب میں تتلی ملی حنوط پرانی کتاب میں

جب بیاں کرو گے تم ہم بیاں میں نکلیں گے ہم ہی داستاں بن کر داستاں میں نکلیں گے

درد ہوتے ہیں کئی دل میں چھپانے کے لیے سب کے سب آنسو نہیں ہوتے بہانے کے لیے

قصۂ سخن گوئی جب عدیمؔ آئے گا ہم بھی واقعہ بن کر داستاں میں نکلیں گے

ستونِ ریگ نہ ٹھہرا عدیمؔ چھت کے تلے میں ڈھ گیا ہوں خود اپنے کو آسرا دے کر

میں دریا ہوں مگر بہتا ہوں میں کہسار کی جانب مجھے دنیا کی پستی میں اتر جانا نہیں آتا

ہر کوئی پارسائی کی عمدہ مثال تھا دل خوش ہوا ہے ایک گنہ گار دیکھ کر

فاصلے ایسے بھی ہوں گے یہ کبھی سوچا نہ تھا سامنے بیٹھا تھا میرے اور وہ میرا نہ تھا

کیوں سب کی طرح بھیگ گئی ہیں تری پلکیں ہم نے تو تجھے حال سنایا نہیں اتنا

عدیمؔ بیٹھا ہوا ہوں پروں کے ڈھیر پہ میں خوش اس طرح ہوں کہ جیسے کسی اڑان میں ہوں