الف – صفحہ 14

وزیر

اسی خاطر تو قتلِ عاشقاں سے منع کرتے تھے اکیلے پھر رہے ہو یوسفِ بے کارواں ہو کر

اے اہلِ وطن! شام و سحر جاگتے رہنا اغیار ہیں آمادۂ شر، جاگتے رہنا

اب اس مقام پر ہے مری زندگی کہ ہے ہر دوست ایک ناصحِ مشفق بنا ہوا

اتار کر تجھے کیا کیا نہ میں ہُوا عریاں مرے بدن پہ فقط ایک ہی لباس تھا تُو

اک جھومتے بادل نے چپکے سے کہا قابلؔ ہنگامِ گل آیا ہے، ساقی نے بلایا ہے

ایک بازار حسینوں کا لگا رہتا تھا ہائے وہ دور کہ گاہک تھا زمانہ دل کا

ایسے موقعے تھکے تھکے اعصاب میں ملتے ہیں میں سوتا ہوں تو بھی سو جا خواب میں ملتے ہیں

اگر کسی نے خریدا نہ آج بھی مرا دن تو معذرت مرے لیل و نہار تھک گیا میں

اب بھاگتے ہیں سایۂ عشقِ بتاں سے ہم کچھ دل سے ہیں ڈرے ہوئے، کچھ آسماں سے ہم

اُس کے ساتھ ہمیں آسانی ہے کتنی اُس سے یہ بھی کہنا مشکل ہوتا ہے