بیت بازی – صفحہ 6

علی سردار جعفری

آج مے خانہ میں سحر چشم ساقی کے لیے التفاتِ چشمِ مست میگساراں چاہئے

عطر فردوس جواں میں یہ بسائے ہوئے ہونٹ خون‌ گلرنگ بہاراں میں نہائے ہوئے ہونٹ

شکستِ شوق کو تکمیلِ آرزو کہیے جو تشنگی ہو تو پیمانہ و سبو کہیے

مستیٔ رندانہ ہم سیرابیٔ مے خانہ ہم گردش تقدیر سے ہیں گردشِ پیمانہ ہم

میں جہاں تم کو بلاتا ہوں وہاں تک آؤ میری نظروں سے گزر کر دل و جاں تک آؤ

کام اب کوئی نہ آئے گا بس اک دل کے سوا راستے بند ہیں سب کوچۂ قاتل کے سوا

بگڑی ہوئی اس شہر کی حالت بھی بہت ہے جاؤں بھی کہاں اس سے محبت بھی بہت ہے

ایک لمحے میں کٹا ہے مدتوں کا فاصلہ میں ابھی آیا ہوں تصویریں پرانی دیکھ کر

یہ بھی سچ ہے کہ نہیں ہے کوئی رشتہ تجھ سے جتنی امیدیں ہیں وابستہ ہیں تنہا تجھ سے

اپنے ہی عکس کو پانی میں کہاں تک دیکھوں ہجر کی شام ہے کوئی تو لب جو آئے