بیت بازی – صفحہ 5

صفی لکھنوی

مر بھی گئے ہم اور نہ ان تک خبر گئی اے آہِ واپسیں یہ بتا تو کدھر گئی

وہ بزم دیکھیے طرب افزا کہیں جسے ٹوٹا ہے دل ہی سازِ تمنا کہیں جسے یہ دل ہو خونِ شرحِ تمنا کہیں جسے ٹپکے وہ قطرہ آنکھ سے دریا کہیں جسے

بھلا حصولِ تمنا کی جستجو کیا ہے جو زندگی میں بر آۓ وہ آرزو کیا ہے

محشر میں جا کے آخر کیا داد خواہ کرتے کہتا اسی کی ایسی جس کو گواہ کرتے

انتظار مرگ میں پیری نفس بردوش ہے کوئی دم میں اب چراغِ زندگی خاموش ہے

جب آیا عید کا دن، گھر میں بے بسی کی طرح تو میرے پھول سے بچوں نے مجھ کو گھیر لیا

آئے ہم غالبؔ‌ و اقبالؔ کے نغمات کے بعد مصحفِؔ عشق و جنوں حسن کی آیات کے بعد

تمہارے اعجازِ حسن کی میرے دل پہ لاکھوں عنایتیں ہیں تمہاری ہی دین میرے ذوقِ نظر کی ساری لطافتیں ہیں

چشم بد مست کو پھر شیوۂ دلداری دے دلِ آوارہ کو پیغامِ گرفتاری دے

ستاروں کے پیام آئے بہاروں کے سلام آئے ہزاروں نامہ ہائے شوق اہل دل کے کام آئے