عمر فرحت

میں کسی رات کا سناٹا ہوں وہ کوئی خواب ہوئی جاتی ہے

ادے پرتاپ سنگھ

تم مرے پاس ہو، رات حیران ہے چاند کس نے اُدھر کا اِدھر رکھ دیا

چمن کے غنچوں نے رنگ بدلا، فلک کے تاروں سے ساتھ چھوڑا میں جن سہاروں سے مطمئن تھا انھی سہاروں نے ساتھ چھوڑا

تیری خوشبو لیے پھرتی ہیں ہوائیں ہر سُو سانس لیتا ہوں تو بڑھتی ہے اذیت میری

ششدر سا رہ گیا ہوں درِ یار دیکھ کردیوار بن گیا ہوں مَیں دیوار دیکھ کر

اے دیکھنے والو! مری افتاد تو دیکھو میں اپنی دعاؤں میں اثر ڈھونڈ رہا ہوں

وہ زخم بھر گیا عرصہ ہوا مگر اب تک ذرا سا درد، ذرا سا نشان باقی ہے

گو بیٹھ جاتے ہیں یوں بیٹھنے کو چار میں ہمہمیشہ کھوئے ہوئے ہیں خیالِ یار میں ہم

عہدِ حاضر کا آدمی اختر قبلہ رُو ہے نہ آئنہ رُو ہے

راکھ پڑی تو دب گیا، راکھ ہٹی بھڑک اُٹھا شعلہ کی روشنی ہی کیا، شعلہ کا اعتبار کیا