علی اختر

اُجالوں کی نمایش ہو رہی ہے اندھیروں سے بھی سازش ہو رہی ہے

اختر عالم

ہر اک مقام پہ اچھی نہیں ہے با خبری کہیں کہیں تو ضروری ہے بے خبر ہونا

ہر ایک غم ہے تر و تازہ پہلے دن کی طرح امانتیں کوئی یوں بھی سنبھال کے دیکھے

میری اک بات میں ہیں سو پہلو اور سب کا جدا جدا مطلب

کیا مِلا عرضِ مدعا کر کے بات بھی کھوئی التجا کر کے

ایسی تاریکیاں آنکھوں میں بسی ہیں کہ فراز رات تو رات ہے ہم دن کو جلاتے ہیں چراغ

جب اُس زُلف کی بات چلی ڈھلتے ڈھلتے رات ڈھلی

تھی جن کی لَو سے دیار سخن میں تابانی وہ طاق طاق چراغِ ہنر پرانے تھے

حسن کے باب میں اکبر کی سند ٹھیک نہیں یہ تو ہر اک بتِ کم سِن کو پری کہتے ہیں

ہم نے اس سال بھی جی بھر کے نہ دیکھا تجھ کو خالد اس سال بھی ہم نے وہی نادانی کی