مخیر
۔۔۔۔۔۔۔۔۔۔۔
بے حسی کی چٹان ، تھی نگری
زندگی کی غریب ، نے جس میں
کیا مخیر نہ تھے ، محلے میں ؟
خود کشی کی غریب نے جس میں
رواداری
۔۔۔۔۔۔۔۔۔۔۔۔۔۔۔
نہیں شدت کہیں اس میں نہیں ہے
یہ چاہت پیار ، الفت کا امیں ہے
روا داری کو شاید ، تو نہ سمجھا
مرا اِسلام ، حکمت والا دیں ہے
لفظی لذت
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بات سیدھے سبھاؤ ، ہر اپنی
پھیر ، عاصم بخاری تھوڑی ہیں
لفظی لذت کے واسطے اپنے
شعر، عاصم بخاری تھوڑی ہیں
مقصد
۔۔۔۔۔۔۔۔۔۔۔۔۔۔۔۔۔۔۔۔
اپنے دنیا میں ، آنے کا مقصد
کاش ! غافل یہ بھول ، مت جاتا
کاش! انساں بھی اس شجر جیسے
کام مخلوق کے ، تری آتا
اِک بیٹا
۔۔۔۔۔۔۔۔۔۔۔۔۔۔۔۔
بھاری آتے نہ ، اتنے ’’بِل بجلی‘‘
آرے دل پر نہ اپنے یوں چلتے
بیٹا اک واپڈا ، میں بھی ہوتا
ہاتھ افسوس کے ہیں اب مَلتے
آنکھوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تو ہے شہ کار ، واقعی کوئی
ہائے رخسار کا ، یہ تِل توبہ
تیری آنکھوں کو دیکھ ، کے دلبر
توڑ دیتا ہے روز ، دل توبہ
مہنگائی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اتنی مہنگائی ، الاماں توبہ
بجلی آٹے پہ جان ، جاتی ہے
ایسے احوال اب کے ہیں اپنے
فیض کی نظم یاد ، آتی ہے