2020 جنوری – صفحہ 15

سید آلِ احمد

مہرباں سائے یاد آتے ہیں ہاڑ کی دوپہر میں جلتا ہوں

جو شبِ تیرہ میں چمکتا ہے میں وہ کردار کا ستارہ ہوں

بیعتِ حاکمِ غلط کرنا لعنتِ زندگی سمجھتا ہوں

مرثیہ ہوں جو مصلحت برتو دل سے چاہو تو ایک نغمہ ہوں

بجھ گیا ہے الائو جذبوں کا سوچ کی رہگذر پہ تنہا ہوں

چھائوں کرتا ہوں شہر میں تقسیم اپنے چہرے پہ دھوپ ملتا ہوں

قامت و قد میں ہوں پہاڑ، مگر اپنے اندر میں ریزہ ریزہ ہوں

جب سے پیدا ہوا ہوں، تنہا ہوں خواب میں تتلیاں پکڑتا ہوں

یہ دور وہ ہے کہ بیٹھے رہو چراغ تلے سبھی کو بزم میں دیکھو مگر دکھائی نہ دو

کُھل رہی ہے گوشہ گوشہ مجھ پہ چشمِ التفات وہ یہیں پتھر کا ہو جائے تو کیا اچھا لگے