یوسف خالد

خوشبو سے کبھی ٹوٹا نہیں ربط ہمارا ہم ہجر میں بھی صورتِ لوبان جلے ہیں

جلیل عالی

خیر دنیا سے سیاست سہی دنیا والی خود سے جو عہد کیا وہ تو نبھایا جائے

اور آگے اس زمانے سے چلو یہ زمانہ ہے مرا دیکھا ہوا

دھوپ کے پاس ایک ہی چادرِ ہفت رنگ ہے سرخ و سیاہ کے لیے، سبز و کبود کے لیے

تقدس کھو چکے میری نظر میں چراغ و منبر و محراب میرے

چٹائی اور پیوند ! اور یہ زرپوش امت حرا اور ثور کے غاروں میں جا کر رو پڑوں گا

کہانی کو حقیقت کہتے آئے ہنسی آئی ہے جھوٹے راویوں پر

دورِ باطل میں حق پرستوں کی بات رہتی ہے ، سر نہیں رہتے

کبھی کبھی میں ستاروں میں جا نکلتا ہوں خدا کو اپنی نئی شاعری سناتا ہوا

ساتھ تنہائی بھی گھبرا کے نکل آتی ہے ہم گھڑی بھر کو جو دالان میں آ بیٹھتے ہیں