جعفر بلوچ

یادِماضی کے اوراق پر جا بہ جا اب یہ تحریر ہے چاہیے تو یہ تھا ، چاہیے تو یہ تھا ، چاہیے تو یہ تھا

فرتاش سید

تیری محفل سے مجھے کُچھ نہیں لینا دینا میں تو بس یاد دہانی کے لیے آیا ہُوں!

ہم اپنے آپ کو پہچانتے ہیں کرے گا کیا نظرانداز کوئی

بات یہ تھی کہ اصولوں کا لہو ہوتا تھا یوں نہیں تھا کہ ہمیں ان سے محبت کم تھی

دکھ ہے تو یہ کہ اک بھی گواہی نہ مل سکی حالاں کہ اک ہجوم میں مارا گیا مجھے

رونق بڑھی تو شہر کے انسان کھو گئے کمرے سکڑ کے رہ گئے، دالان کھو گئے

ڈھل جاتی ہے الفاظ میں تاثیر ہوا کی فن کار بنا لیتا ہے تصویر ہوا کی

میں کبھی ہنستا بولتا بھی تھا ایک تصویر سے روایت ہے

دیکھ! آ پہنچا ہوں کس طرح سرِ کوہِ ملال میں وہی ہوں، جسے اُونچائی سے ڈر لگتا تھا

کس لیے میرے کاندھوں پہ رکھّے گئے ہیں زمان و مکاں کیا مری روح پر میری تقصیر کا بوجھ کافی نہ تھا