Tag: جعفر بلوچ

پیرایہ ء فن جدا ہے میرا دل ہی سے مکالمہ ہے میرا سچ بولنا اور خراب ہونا اک عمر سے مشغلہ ہے میرا کیا کیا مجھے خوش گمانیاں ہیں تو نام جو لے رہا ہے میرا ذکر اس میں ترا جو آ گیا ہے مہکا ہوا ماجرا ہے میرا رندی مری آج کی نہیں ہے مشرب ہی یہی رہا ہے میرا یاروں کی تعلیاں سنی ہیں اور چپ ہوں، یہ تبصرہ ہے میرا فرعون یہ جانتے ہیں جعفر خامہ ہی مرا عصا ہے میرا

پیامِ  خیر و سلام ۔۔۔۔۔۔۔۔۔۔۔۔ میں خیر آئین ہوں جعفر فقط دایاں نہیں ہوں میں فقط بایاں نہیں ہوں میں میں خیر آئین ہوں اور برسرِ پیکار ہوں شر سے مرا  اِیماں ہے حسن و خیر کی قدریں ہیں آفاقی ورا  ہیں سمت اور حد سے مجھے تو میسروں اور میمنوں میں خیر کی ترویج کرنی ہے مری دائیں طرف اور بائیں جانب پھول بھی ہیں اور کانٹے بھی بہاریں بھی، خزائیں بھی مگر میری تمنا ہے کہ ہر جانب فقط رعنائیاں ہوں، نکہت و رنگ و ترنم ہو سلام…

حدیثِ صاحبِ لولاک سے ایماں چمکتے ہیں نقوشِ دل چمکتے ہیں، حروفِ جاں چمکتے ہیں سبب ہیں سرورِ کونین ، تنویرِ دو عالم کا یہ دونوں گھر انھی کے نور سے یکساں چمکتے ہیں جو پھوٹیں سیرتِ خیر البشر کے خاورستاں سے انھی کرنوں کی آب و تاب سے انساں چمکتے ہیں پڑا ہو جن پہ خورشیدِ رسالت کا ذرا  پَرتو وہ ذرے اوجِ عظمت پر بہر عنواں چمکتے ہیں کرامت ایک یہ بھی تابشِ عشقِ نبی کی ہے دلِ عشاق ، مثلِ ذرہ ء فاراں چمکتے ہیں جو شہرِ…