سید انور جاوید ہاشمی

پر ند ے مو سمِ گُل کو جہاں پُکارتے تھے عجیب دھوپ تھی سائے تھکن اتارتے تھے

محسن دوست

علم ہمارا باتوں تک رہ جاتا ہےاور کتابیں بستے میں رہ جاتی ہیں

خود کو بھی یاد میں اب ایک زمانے سے نہیں تم گریبان سے پکڑو مجھے شانے سے نہیں

ویرانی کی گرد چھٹے اور تو آئے تو آئے اور ایک نئی ویرانی ہو

اب تو بے رنگ اداسی ہے مری آنکھوں میں ماں بتاتی ہے میں رنگوں سے بہت کھیلتا تھا

ہمارے اشک سنبھالے تمھاری پلکوں نے مہاجرین کی انصار نے مدد کی ہے

عجیب وہم سا رہتا ہے، ہر سفر میں مجھے رواں ہوں جس پہ، مرا راستہ نہیں ہے وہ

عجب نہیں ہے کہ پوچھے یہ نسلِ آئندہ سُنا ہے روشنی ہوتی تھی روشنی کیا ہے

میں اُس کے خوف سے راتوں کو سو نہیں سکتا وہ سانحہ جو ابھی رونما ہوا نہیں ہے

یہ نہیں دیکھتے کتنی ہے ریاضت کس کی لوگ آسان سمجھ لیتے ہیں آسانی کو