ظفر اقبال کی شاعری – صفحہ 3

ظفر اقبال

اک فاصلہ رہتا ہے ، پانی سے روانی تک دریائے ہوس میں بھی ، اک موج وفا کی ہے

شہر سارا ہی مرے گھر سے ترے گھر تک ہے ایک دیوار نہیں ہے جسے میں ڈھا سکتا

خوش اخلاق تھا ، اس نے انکار بھی کیا ہے ، ظفر ، مسکراتے ہوئے

یہ فکر ہے تو اس کو کوئی شکل ہو عطا تجویز ہے تو اس پہ عمل ہونا چاہیے

زباں کھینچی گئی جس بات پر حلقوم کی حد تک ہمیں معلوم تھی وہ صرف نامعلوم کی حد تک

راس ہے سب کو مرے خون پسینے کی مہک یعنی میں سارے گھرانے کے لئے زندہ ہوں

قریب آنے کی تمہید ایک یہ بھی رہی وہ پہلے پہلے ذرا فاصلے سے گزرے گا

وہ دسترس سے دور سہی ، اس کے باوجود یہ ہے دماغ ، اس میں خلل ہونا چاہیے

پناہ چاہتا ہوں اور ظلم توڑتے ہیں زمیں سمجھتا ہوں اور آسماں نکلتا ہے

یہ میری آگ ہے لیکن دھواں میرا نہیں ہے بیاں میرا سہی رنگِ بیاں میرا نہیں ہے