Tag: Qamar Jalalvi

حکم بے سوچے جو سرکار دیے دیتے ہیں کیوں مجھے جرأتِ گفتار دیے دیتے ہیں خانہ بربادوں کو سائے میں بٹھانے کے لئے آپ گرتی ہوئے دیوار دیئے دیتے ہیں عشق اور ابروئے خمدار کا اس دل کے سپرد آپ دیوانے کو تلوار دیے دیتے ہیں آپ اک پھول بھی دیں گے تو اس احسان کے ساتھ جیسے گلزار کا گلزار دئیے دیتے ہیں

باز آگیا شاید اب فلک ستانے سے بجلیاں نکلتی ہیں بچ کے آشیانے سے خاک لے گئی بجلی میرے آشیانے سے صرف چار چھ تنکے وہ بھی کچھ پرانے سے کچھ نظر نہیں آتا ان کے منہ چھپانے سے ہر طرف اندھیرا ہے چاند ڈوب جانے سے حالِ باغ اے گلچیں فائدہ چھپانے سے ہم تو ہاتھ دھو بیٹھے اپنے آشیانے سے باغ ہو کہ صحرا ہو جی کہیں نہیں لگتا آپ سے ملے کیا ہم چھٹ گئے زمانے سے صبح سے یہ وقت آیا وہ ہیں بزمِ دشمن ہے…

بلا سے ہو شام کی سیا ہی کہیں تو منزل مری ملے گی ادھر اندھیرے میں چل پڑوں گا جدھر مجھے روشنی ملے گی ہجومِ محشر میں کیسا ملنا نظر فریبی بڑی ملے گی کسی سے صورت تری ملے گی کسی سے صورت مری ملے گی تمھاری فرقت میں تنگ آ کر یہ مرنے والوں کا فیصلہ ہے قضا سے جو ہم کنار ہو گا اسے نئی زندگی ملے گی قفس سے جب چھٹ کے جائیں گے ہم تو سب ملیں گے بجز نشیمن چمن کا ایک ایک گل ملے…

عمر بھر خاک ہی کیا چھانتے ویرانوں کی بات تھی آئی گئی ہو گئی دیوانوں کی کون کہہ دے گا کہ باتیں ہیں یہ دیوانوں کی دھجیاں جیب میں رکھی ہیں گریبانوں کی جا چکے چھوڑ کر آزادیاں ویرانوں کی اب تو بستی میں خبر جائے گی دیوانوں کی یادگاریں نہیں کچھ اور تو دیوانوں کی دھجیاں ملتی ہیں صحرا میں گریبانوں کی خیر محفل میں نہیں حسن کے دیوانوں کی شمع کے بھیس میں موت آئی ہے پروانوں کی تو بھی کب توڑنے کو پھول چلا ہے گلچیں آنکھ…

تیرے طعنے سنے سہے غم بھی ہم نے مارا نہ آج تک دم بھی میری میت تو کیا اٹھاؤ گے تم نہ ہو گے شریکِ ماتم بھی باغباں برق کیا گلوں پہ گری تیرے گلشن میں لٹ گئے ہم بھی جلتے رہتے ہیں تری محفل میں یہ پتنگے بھی، شمع بھی، ہم بھی کاروانِ رہِ عدم والو! ٹھہرو کپڑے بدل چکے ہم بھی

صبر آگیا یہ کہہ کر دل سے غمِ وطن میں سب پھول ہی نہیں کانٹے بھی تھے چمن میں بلبل ہے گلستاں میں پروانہ انجمن میں سب اپنے اپنے گھر ہیں اک ہم نہیں وطن میں صیاد باغباں کی ہم سے کبھی نہ کھٹکی جیسے رہے قفس میں ویسے رہے چمن میں دامانِ آسماں کو تاروں سے کیا تعلق ٹانکے لگے ہوئے ہیں بوسیدہ پیرہن میں سنتے ہیں اب وہاں بھی چھائی ہوئی ہے ظلمت ہم تو چراغ جلتے چھوڑ آئے تھے وطن میں کچھ اتنے مختلف ہیں احباب جب…

بنتا نہیں ہے حسنِ ستم گر شباب میں ہوتے ہیں ابتدا ہی سے کانٹے گلاب میں جلوے ہوئے نہ جذب رخِ بے نقاب میں کرنیں سمٹ کے آ نہ سکیں آفتاب میں بچپن میں یہ سوال قیامت کب آئے گی بندہ نواز آپ کے عہدِ شباب میں صیاد آج میرے نشیمن کی خیر ہو بجلی قفس پہ ٹوٹتی دیکھی ہے خواب میں آغازِ شوقِ دید میں اتنی خطا ہوئی انجام پر نگاہ نہ کی اضطراب میں اب چھپ رہے ہو سامنے آ کر خبر بھی ہے تصویر کھنچ گئی نگہِ…

حکم بے سوچے جو سرکار دیے دیتے ہیں کیوں مجھے جرأتِ گفتار دیے دیتے ہیں خانہ بربادوں کو سائے میں بٹھانے کے لیے آپ گرتی ہوئے دیوار دیئے دیتے ہیں عشق اور ابروئے خم دار کا اس دل کے سپرد آپ دیوانے کو تلوار دیے دیتے ہیں آپ اک پھول بھی دیں گے تو اس احسان کے ساتھ جیسے گلزار کا گلزار دیے دیتے ہیں