شاہین عباس کی نظم – صفحہ 2

شاہین عباس

حاشیے کے دونوں جانب نام ہیں ، اور صرف نام یہ جو خالی ہے جگہ ، یہ بھی کسی کا نام ہے

عجب کیا وقت کا یہ آخری پھیرا ہو یاں پر گلی کوچے اب اِس رہ گیر سے تنگ آ گئے ہیں

ہم تھے کہ رات دن کے داغ ، جیسے صدی صدی کے باغ یعنی گزرتے وقت کا ، ہم پہ بہت اثر ہوا

کبھی حیراں، کبھی ویراں ، تو کبھی شاد آباد میں خلل ڈالتا آیا ہوں جہاں میں ایسا

بازا ر میں اجنبی ہوں یعنی پھولوں کی دکان دیکھتا ہو ں

سننے والوں میں اِتنا پردہ ہے کوئی سنتا نہیں کسی کا شور

یوں جو دروازے بج رہے ہیں یہاں گھر سے اُٹھّاہے بے گھری کا شور

بھرتے بھرتے بھرے گا وقت کے ساتھ دامنِ داستان ہے سائیں

آخر در و دیوار کے آنسو نکل آئے ہم کو نظر آ تی ہی نہ تھی گھر کی اداسی

شہر کے شہر کر دیے مسمار اپنا خلوت کدہ بناتے ہوئے