Shaheen – Caarwan

شاہین عباس

اوپر جو پرند گا رہا ہے نیچے کا مذاق اڑا رہا ہے

یہ وقت کا خاص آدمی تھا بے وقت جو گھر کو جا رہا ہے

عمر بھر ہم نے فنا کے تجربے خو د پر کئے عمر بھر میں عالمِ فانی کا اندازہ ہوا

تم نے کیا بات کاٹ دی تھی مری گھر میں آتا رہا گلی کا شور

گم شدہ شخص تھا سو میں پایا گیا وہیں کہیں خواب کی لو جہاں پڑی، خاک کا رخ جدھر ہوا

میں ہوا تیرا ماجرا ، تُو مرا ماجرا ہوا وقت یونہی گزر گیا ، وقت کے بعد کیا ہوا

میری آنکھوں کا تسلسل تری آنکھیں ہی نہ ہوں تیری آنکھوں میں بھی روتا نظر آیا ہے کو ئی

پہلے تو مٹی کا اور پانی کا اندازہ ہوا پھر کہیں اپنی پریشانی کا اندازہ ہوا

لوگ گلی گلی سے اب، پوچھ رہے ہیں ، کیا ہوا پکڑا گیا تھا ، کیا کروں ، شوق تھا یہ گڑھا بھروں

کچھ اضافہ کیا ہے کچھ ترمیم خود کو اک واقعہ بنا دیا ہے