ایک منٹ کی خاموشی
۔۔۔۔۔۔۔۔۔۔۔۔
( کئی سال پہلے پاکستان میں زلزلے میں مرنے والوں کی یاد میں عالمی فورم میں ایک منٹ کی خاموشی اختیار کی گئی)
۔۔۔۔۔۔۔۔۔۔۔۔۔۔۔۔۔
ایک منٹ کی خاموشی
ان لوگوں کی یاد میں تھی
جن کے اندر جا اتری
موت کی گہری خاموشی
جن کی ہستی پل بھر میں
لمبی چُپ میں ڈوب گئی
ملبے میں جو دفن رہے
جن پر سکتہ ہے طاری
جن پر عمرِفانی کا
اک اک لمحہ ہے بھاری
٭
دنیا کے ہمدردوں نے
ان سے بطورِ ہمدردی
کتنی مشکل سے کاٹی !
ایک منٹ کی خاموشی
