قسم خدا کی وہ حسن و جمال دلکش ہے
نبی کے روضے کا منظر کمال دلکش ہے
رسول اعظم و آخر کا خُلق قرآں ہے
ہماری ماں نے جو دی ہے مثال دلکش ہے
وہ جس کو سُن کے ملائک بھی وجد کرتے تھے
وہی اذان میں طرزِ بلال دلکش ہے
گرے گا اب درِ خیبر بھی اور مرحب بھی
خُدا کے شیر علی کا جلال دلکش ہے
ربیعہ مانگ رہے ہیں ہے حضور کی سنگت
جواب اچھوں سے اچھا سوال دلکش ہے
طریقِ ہجرتِ نبوی پہ چل کے جاؤں گا
محال ہو تو ہو لیکن خیال دلکش ہے
بھرے گا چوکڑیاں جا کے دشتِ طیبہ میں
مری تمنا کا شائق غزال دلکش ہے
درودِ پاک سے دل میں رضا اجالے ہیں
نئے افق پہ منور ہلال دلکش ہے
