تیرا گر مان بھی نہیں ہوتا
اتنا ہیجان بھی نہیں ہوتا
چھوڑ دینا کسی کو رستے میں
اتنا آسان بھی نہیں ہوتا
میں کسی کے بھی چھوڑ جانے پر
اب تو حیران بھی نہیں ہوتا
اپنی رکتی ہوئی روانی پر
دل پریشان بھی نہیں ہوتا
ہجر کچھ اس طرح کی ہجرت ہے
ساتھ سامان بھی نہیں ہوتا
جتنا میں لگ رہا ہوں چہرے سے
اتنا انجان بھی نہیں ہوتا
قائدے گر نہ توڑتا آدم
ایک انسان بھی نہیں ہوتا
خوف کے بت نہیں بناتے تو
آج بھگوان بھی نہیں ہوتا
