Tag: Imran awan

ایک طوفان آنے والا ہے وقت الٹا گھمانے والا ہے یہ جو صحرا دکھائی دیتا ہے اک سمندر پرانے والا ہے پھر سے بدلیں گے زاویے سارے اتنا بھونچال آنے والا ہے چھوڑ دو کشتیاں سمندر میں پانی بستی میں جانے والا ہے یہ جو پنچھی بکھر گئے سارے آسماں کچھ گرانے والا ہے مجھ کو معلوم ہے پس پردا کون فتویٰ لگانے والا ہے اتنا خاموش وہ نہیں رہتا کچھ تو سازش رچانے والا ہے جس کو آنکھوں کا نور سمجھا تھا وہ مرا گھر جلانے والا ہے

میں پسِ بام دیکھ سکتا ہوں صرف آنکھوں پہ انحصار نہیں

ہمارا عشق بھی، سمجھی کہ بس خیالی ہے اسی لئے تو میں کہتا ہوں تُو نرالی ہے کبھی تو آنکھ ملا کر بھی بات کر مجھ سے یہ تو نے بیچ میں دیوار کیوں اٹھا لی ہے تو اپنے آپ سے باہر کبھی نہیں نکلی وگرنہ ایک زمانہ ترا سوالی ہے یہ زندگی بھی ترے بعد اک سکوت میں ہے جہاں پہ چھوڑ گئے تھے وہاں نبھا لی ہے پڑی ہوئی تھی جو رستے میں تیرے پاؤں کی دھول وہی سمیٹ کے دنیا نئی بنا لی ہے

اپنے رستے کو موڑ سکتا ہے جس نے جانا ہے چھوڑ سکتا ہے باغ سے پھول توڑنے والا چاہے تو دل بھی توڑ سکتا ہے زندگی بھاگتی ہی رہتی ہے آدمی کتنا دوڑ سکتا ہے آج وہ رو رہا ہے اشکوں سے جو تری آنکھ پھوڑ سکتا ہے کچھ خراشیں تو پھر بھی رہتی ہیں آئنہ کون جوڑ سکتا ہے