بیت بازی – صفحہ 122

احمد فراز

سُنا ہے اُس کے شبستاں سے متصل ہے بہشت مکیں اُدھر کے بھی جلوے اِدھر کے دیکھتے ہیں

عرصے سے اس دیار کی کوئی خبر نہیں مہلت ملے تو آج کا اخبار دیکھ لیں

یہ میرے ہاتھ ہیں اور بے شناخت اب بھی نہیں یہ اور بات ہے تلوار توڑ دی میں نے

دل میں محبوب کا گھر ہو تو غزل ہوتی ہے کوئی مسجودِ نظر ہو تو غزل ہوتی ہے

نطق پلکوں پہ شرر ہو تو غزل ہوتی ہے آستیں آگ سے تر ہو تو غزل ہوتی ہے

فاصلوں کی دوپہریں رنگِ رُخ اُڑاتی ہیں خون خشک کرتا ہے دور رہ کے کیوں اپنا

جمالِ دوست کو پیہم نکھرنا ہے، سنورنا ہے محبت نے اٹھایا ہے ابھی پردہ کہاں اپنا

ظاہر نہ کسی کور نظر پر بھی ہُوا میں کیا فرق پڑا ، تجھ پہ کُھلا ، یا، نہ کُھلا میں

کام آئی نہ کوئی آس کہیں کارگر ہو گیا قیاس کہیں

تجھ سے تو اٹھ سکے گا نہ یہ بارِ دوستی مجھ پہ نہ آ پڑے کہیں دیوارِ دوستی