بیت بازی – صفحہ 94

محسن اسرار

دلوں میں جھانکنے والی نظر کچھ اور ہوتی ہے نظر آتے نہیں جو، وہ تماشے اور ہوتے ہیں

نہیں ملو گے تو افواہ پھیل جائے گی مرا وجود خموشی نہیں، صدا ہے اب

ہم نے کچھ بھی نہیں کیا محسنؔ اور ہوتا رہا ہے کیا کیا کچھ

اُس کی محفل عجیب محفل ہے جانا کچھ ہے، وہاں سے آنا کچھ

پھر کوئی کم بخت کشتی نذرِ طوفاں ہو گئی ورنہ ساحل پر اُداسی اس قدر ہوتی نہیں

اب یہ عالم ہے کہ غم کی بھی خبر ہوتی نہیں اشک بہہ جاتے ہیں لیکن آنکھ تر ہوتی نہیں

جانے کیا ہو پلک جھپکنے میں زندگی جاگتی ہی رہتی ہے

باغ تک پہنچی بیابانوں کی خاک تیرا دیوانہ کہاں ہے آج کل

درِ زنداں پہ کس نے دستک دی آج موسم بہار سا کیوں ہے

زمین اور مقدر کی ایک ہے فطرت کہ جو بھی بویا وہی ہو بہو نکلتا ہے