بیت بازی – صفحہ 95

حفیظ ہوشیار پوری

زمانے بھر کے غم اور اک ترا غم یہ غم ہوگا تو کتنے غم نہ ہوں گے

آخرِ شب ہے‘ مری ذات سے نظریں نہ چرا اے غمِ ہجر! ترے قد کے برابر ہوں میں

ایک ساعت اک صدی ہے اک نظر آفاق گیر اب نظام گردش شام و سحر کافی نہیں

باقی ہے اب بھی ترکِ تمنا کی آرزو کیونکر کہوں کہ کوئی تمنا نہیں مجھے

سامان بہم کر ، کہ نہ لوٹے کبھی خالی یا رب ، کوئی مجھ بے سر و سامان کے در سے

کس محبت سے آئے ہیں سیلاب گھر میں ہوتا اگر تو بہتا کچھ

کس سے پوچھوں یہاں پتا اپنا دھوپ کچھ کہہ رہی ہے، سایہ کچھ

کسی کی زلف پریشاں کسی کا دامن چاک جنوں کو لوگ تماشا بنائے پھرتے ہیں

تو خود بھی جاگتا رہ اور مجھ کو بھی جگاتا رہ نہیں تو زندگی کو دوسرا قصہ پکڑ لے گا

عجیب عالمِ حیرت ہے کارگاہِ حیات کسی کو دیکھنا چاہا، کوئی نظر آیا