شاہین عباس کی کتب – صفحہ 3

شاہین عباس

شہر کے شہر کر دیے مسمار اپنا خلوت کدہ بناتے ہوئے

پانی پہ مذاق بن گئے ہم کشتی میں نہ تھی جگہ ہماری

خاک پر خاک اُڑا ئی ہے ، محبت کی ہے شہر کو شہر کی تعمیر سے پہچانا ہے

گھر کہیں بھی نہیں ، کوئی بھی نہیں سب گلی کا گمان ہے سائیں

سننے والوں میں اِتنا پردہ ہے کوئی سنتا نہیں کسی کا شور

ایک شکن وصال کی ، ایک شکن فراق کی سلوٹیں پڑ گئیں ہیں دو ، جامۂ دستیاب میں

ایک لکیر شام کی، کہتی تھی درمیاں کی بات خلقِ خدا کا ایک دن، باقی ہیں سب خدا کے دن

تیرے ہاتھوں جل اُٹھے ہم، تیرے ہاتھوں جل بجھے ہوتے ہوتے آگ اور پانی کا اندازہ ہو ا

اوپر جو پرند گا رہا ہے نیچے کا مذاق اڑا رہا ہے

یہ وقت کا خاص آدمی تھا بے وقت جو گھر کو جا رہا ہے