شاہین عباس کی غزل – صفحہ 4

شاہین عباس

گھر کہیں بھی نہیں ، کوئی بھی نہیں سب گلی کا گمان ہے سائیں

سننے والوں میں اِتنا پردہ ہے کوئی سنتا نہیں کسی کا شور

ایک شکن وصال کی ، ایک شکن فراق کی سلوٹیں پڑ گئیں ہیں دو ، جامۂ دستیاب میں

ایک لکیر شام کی، کہتی تھی درمیاں کی بات خلقِ خدا کا ایک دن، باقی ہیں سب خدا کے دن

تیرے ہاتھوں جل اُٹھے ہم، تیرے ہاتھوں جل بجھے ہوتے ہوتے آگ اور پانی کا اندازہ ہو ا

اوپر جو پرند گا رہا ہے نیچے کا مذاق اڑا رہا ہے

یہ وقت کا خاص آدمی تھا بے وقت جو گھر کو جا رہا ہے

عمر بھر ہم نے فنا کے تجربے خو د پر کئے عمر بھر میں عالمِ فانی کا اندازہ ہوا

شہر میں داخلے کی شرط ، جسم نہیں تھا ، روح تھی جسم کا جسم رکھ دیا ،سر سے کہیں اتار کر

اپنی آوازوں کو چپ رہ کر سنا تب کہیں جا کر یہ ز یر و بم بنے