ذوالفقار نقوی

تری تصویر تو دھندلی نہیں تھی مری آنکھوں میں آنسو آ گئے تھے

نعمان فاروق

میرے خدا خیال کو ایسا کمال دے فکر ِمجاز سے جو بشر کو نکال دے

شب سمجھتی ہے مری بات کی ساری پرتیں دن پہ کھل ہی نہیں پاتے ہیں اشارے میرے

قد نکلتا ہے یہاں شہر عداوت کس کا اب تو دستار کے ہم ساتھ ہی سر کاٹتے ہیں

ہمارے حال پہ ہے ان دنوں خدا کا کرم اور آپ لوگ خدا کا کرم سمجھتے ہیں

یہ لوگ کتنے کھلے ہیں ذرا سے دھوکے سے کسے خبر ہے مرا رنج اختیاری ہے

عجیب لوگ ہیں، ہنستے ہیں اور نہ روتے ہیں تمام شہر پہ اک مصلحت سی طاری ہے

ڈر ہے کہیں میں دشت کی جانب نکل نہ جاؤں بیٹھا ہوں اپنے پاؤں میں زنجیر ڈال کر

رہبر جو ہمیں ٹھوکریں کھانے نہیں دیتا ڈرتا ہے کہیں راستہ ہموار نہ ہو جائے

رکا رکا سا تبسم، جھکی جھکی سی نظر تمہیں سلیقۂ بے گانگی کہاں ہے ابھی