آخری بس
تیرتی سی جا رہی ہے
شب کے فرشِ مرمریں پر ۔۔۔۔۔۔۔۔
شبنم آگیں دُھند کی نیلی گپھا میں!
بس کے اندر ہر کوئی بیٹھا ہے
اپنا سر جھکائے
خستگی دن کی چبائے
کیا ہوئی اک دوسرے سے بات کرنے کی
وہ راحت
وہ مسرت!
آج دنیا ۔۔۔۔۔ آخری بس کی طرح محوِ سفر ہے
سب مسافر
قُرب کے احساس سے ناآشنا بیٹھے ہوئے ہیں
اب کسی کو اجنبی ہونا بُرا لگتا نہیں ہے!
Related posts
-
حامد یزدانی ۔۔۔ سوالیہ اندیشے
سوالیہ اندیشے ۔۔۔۔۔۔۔۔۔۔۔ اس خزاں کی نئی اداسی کا رنگ کتنے برس پرانا ہے؟ زندگی مسکرا... -
خاور اعجاز ۔۔۔ امکان (نثری نظم) ۔۔۔ ماہنامہ بیاض اکتوبر ۲۰۲۳)
امکان ۔۔۔۔۔۔۔۔۔ رات کو پیدا ہونے والی تاریکی روشنی کا مطالبہ کرتے ہُوئے گھبرا جاتی ہے... -
صفدر صدیق رضی ۔۔۔ محبت (ماہنامہ بیاض لاہور اکتوبر 2023 )
محبت ۔۔۔۔۔ محبت کا مفہوم اگر جاننا چاہتے ہو تو اک شیر خوار اور معصوم بچّے...