ہابیل کی موت
۔۔۔۔۔۔۔۔۔
زمیں پہلے خاکستری تھی
پھر اس نے کئی رنگ اوڑھے
کبھی شنگرفی، قرمزی، لاجوردی،
کبھی چشمِ محبوب سا آب گوں،
نیلے پانی میں کھلتے کنول سا !
سبھی رنگ اچھے تھے اور یہ زمیں
سنہرے، روپہلے کئی حاشیوں میں جڑی
ایک تصویر تھی
وہ تصویر اب خاکِ بے مہر پر
ٹکڑے ٹکڑے پڑی ہے!
تو پھر دست ِ قاتل کہاں ہے؟
بس اک رنگ ہے، انگلیوں سے ٹپکتے لہو کا،
جو دن رات کے ادھ جلے اور سادہ ورق پر،
لگاتار مہریں لگاتا چلا جا رہا ہے !
Related posts
-
حامد یزدانی ۔۔۔ سوالیہ اندیشے
سوالیہ اندیشے ۔۔۔۔۔۔۔۔۔۔۔ اس خزاں کی نئی اداسی کا رنگ کتنے برس پرانا ہے؟ زندگی مسکرا... -
خاور اعجاز ۔۔۔ امکان (نثری نظم) ۔۔۔ ماہنامہ بیاض اکتوبر ۲۰۲۳)
امکان ۔۔۔۔۔۔۔۔۔ رات کو پیدا ہونے والی تاریکی روشنی کا مطالبہ کرتے ہُوئے گھبرا جاتی ہے... -
صفدر صدیق رضی ۔۔۔ محبت (ماہنامہ بیاض لاہور اکتوبر 2023 )
محبت ۔۔۔۔۔ محبت کا مفہوم اگر جاننا چاہتے ہو تو اک شیر خوار اور معصوم بچّے...