Month: 2019 نومبر

تقطیب (Polarization) …. نیند میں چلتا ہوں جتنی دور تک برف سے خالی زمیں کے کھوج میں کاش بیداری کے عالم میں کبھی اپنی وحشت سے گریزاں خاک پر دو قدم اُس سے زیادہ چل سکوں!

وہ نہ آئے تو سحر کیوں آئے میرا سایہ بھی نظر کیوں آئے مَیں تو دریا ہوں، ملوں خود جا کر وہ سمندر ہے، اِدھر کیوں آئے زندگی لائی مگر کیوں لائی ہم یہاں آئے مگر کیوں آئے مَیں  ترا عکس ہوں، اپنا تو نہیں آئنہ پیشِ نظر کیوں آئے پہنچے منزل پہ تو آئی آواز اوڑھ کر گردِ سفر کیوں آئے آئنہ ٹوٹ گیا، ٹوٹ گیا اب کوئی آئنہ گر کیوں آئے مدتوں بعد ملا تھا وہ حزیں اُس سے کترا کے گزر کیوں آئے

اول اول آگ بجھائی جا سکتی تھی اول اول درد کا چارہ ہو سکتا تھا

  سراغ ۔۔۔ خزاں نے شام گزاری ہے میرے منظر میں مرے تمام پرندے، تمام ہرکارے مرے گمان کی سمتوں سے لوٹ آئے ہیں مرے خیال، مرے خواب کے دیاروں کا ہوائے سبز کے نمناک مرغزاروں کا سراغ آج کی سمتوں میں بھی کہیں نہ ملا خزاں نے شام گزاری ہے میرے منظر میں شبِ سیاہ اُترتی ہے میرے پیکر میں

بُھلا دیا، دلِ بد خو نے، دھیان کاکل کا یہ دونوں سانپ مری آستیں کے بھی نہ رہے