2024 اکتوبر – صفحہ 6

ظہیر دہلوی

کچھ تو ہوتے ہیں محبت میں جنوں کے آثار اور کچھ لوگ بھی دیوانہ بنا دیتے ہیں

نہ چھیڑ اے نکہتِ بادِ بہاری راہ لگ اپنی تجھے اٹھکیلیاں سوجھی ہیں ہم بے زار بیٹھے ہیں

بے نیازی سے فریب اے بتِ طناز نہ دے ہم نہ مانیں گے خدا صورتِ انساں ہو گا

تری صورت سے کسی کی نہیں ملتی صورت ہم جہاں میں تری تصویر لیے پھرتے ہیں

اب تو گھبرا کے یہ کہتے ہیں کہ مر جائیں گے مر کے بھی چین نہ پایا تو کدھر جائیں گے

غم آرزو کی حسرت سبب اور کیا بتاؤں میری ہمتوں کی پستی میرے شوق کی بلندی

تم تو بیٹھے ہوئے پہ آفت ہو اٹھ کھڑے ہو تو کیا قیامت ہو

کیا جانیے وصال ترا ہو کسے نصیب ہم تو ترے فراق میں اے یار مر چلے

تھوڑی بھی نیک و بد کی گر وہ تمیز رکھے کافر ہو پھر جو دل کو اس سے عزیز رکھے

برسوں کا بے نام دریچہ، صدیوں کی انجان ہَوا میں مُردہ ماضی کا حوالہ، اور تیری پہچان ہَوا