آج کا شعر – صفحہ 30

خالد احمد

چھنک اُٹھے ہیں مرے حلق میں وہی گھنگھرو بس ایک سانس بچا ہے مری رہائی میں

نجیب اک وہم تھا دو چار دن کا ساتھ ہے لیکن ترے غم سے تو ساری عمر کا رشتہ نکل آیا

دلی کے بیچ ہائے اکیلے مریں گے ہم تم آگرے چلے ہو سجن، کیا کریں گے ہم

اُس رشکِ مہ کی بزم میں جاتے ہی آفتاب دل سا رفیق میرا، مرے سات سے گیا

اے سروِ گل بدن تو ذرا ٹک چمن میں آ جیوں گل شگفتہ ہو کے مری انجمن میں آ

اڑاؤں کیوں نہ گریباں کی دھجیاں ہیہات وہی یہ ہاتھ ہیں جن میں کسی کا دامن تھا

یوں وہ پردے میں پھرتے چلتے ہیں جیسے بدلی میں آفتاب چلے

پیام زندگیٔ نو نہ بن سکیں صد حیف یہ اُودی اُودی گھٹائیں، یہ بھیگی بھیگی بہار

زندگی بھر کی کمائی یہ تعلق ہی تو ہے کچھ بچے یا نہ بچے اس کو بچا رکھتے ہیں

آنکھ میں پانی رکھو ہونٹوں پہ چنگاری رکھو زندہ رہنا ہے تو ترکیبیں بہت ساری رکھو